પ્રમુખશ્રી મહાસભા

યોગેશ મગનભાઈ ચાવડા

પ્રમુખ સ્થાનેથી . . .


        શ્રી કચ્છ ગુર્જર ક્ષત્રિય સમાજ મહાસભાની ૧૬ પ્રાદેશિક સમિતિઓના ૧૨૬ ઘટકોના સૌ સમાજબાંધવોને મહાસભાના પ્રમુખશ્રી તરીકે જાહેર અભિવાદન કરું છું. મહાસભાની ખૂબજ ઉપયોગી 'એન્ડ્રોઇડ એપ' ના માધ્યમથી હું સૌને આવકારું છું.

        મિત્રો, સમય-સમય પર મહાસભાએ પોતાની પ્રવૃત્તિ અને કાર્યપ્રણાલીમાં સમયોચિત પરિવર્તન લાવી સોશ્યલ મિડિયાના ઉપયોગ વડે સમાજબાંધવોને એકસુત્રમાં જોડી રાખવા માટેના નિર્ણયો લઇ તેને કાર્યાન્વીત કરવાના સફળતમ પ્રયત્નો કરેલા છે, જેનો લાભ સમાજબાંધવોને મળી રહ્યો છે. સૌ પ્રથમ મેરેજ બ્યુરોની વેબસાઈટનું લોંચીંગ કર્યા બાદ 'સેતુ સમાજ સંદેશ'ની વેબસાઇટનું લોકાર્પણ ડીસેમ્બર-૨૦૧૪ માં કરવામાં આવ્યું. મિડિયા પર તેની માંગ વધતા જુન -૨૦૧૫ માં 'સેતુ સમાજ સંદેશ'ની એન્ડ્રોઈડ એપનું લોંચીંગ કરવામાં આવ્યું. 'લક્ષ્ય' સમિતિના માધ્યમથી ચાલતી પ્રવૃત્તિઓના પ્રચાર અર્થે પણ મોબાઇલ એન્ડ્રોઇડ એપ બનાવવામાં આવી. ત્યાર બાદ મહાસભાની બધીજ પ્રવૃત્તિઓ માત્ર એકજ ક્લીક દ્વારા મળી રહે તે માટે તત્કાલ પ્રમુખ આદ. શ્રી પ્રફુલ્લભાઈ કેશવજીભાઈ પરમારના પ્રમુખ પદે મહાસભાની એક વેબસાઇટનું લોકાર્પણ કરવામાં આવ્યું જે વેબસાઇટ પર મહાસભાની દરેકે દરેક પ્રવૃત્તિઓની માહિતિ મળી રહે તેવા પ્રયત્નો કરવામાં આવ્યા .

        મિત્રો, સમય-સમય પર દરેક હોદ્દેદાર અને જવાબદાર વ્યક્તિ તેમને મળેલ હોદ્દાની રૂએ સમાજબાંધવો સાથે સરળ રીતે કોમ્યુનિકેશન જળવાઇ રહે તેવા પ્રયત્નો કરતા જ હોય છે અને આપણે તેમાં મહદ અંશે સફળતા પણ મેળવી છે. આ પ્રયાસોમાં વધુ એક પ્રકરણ ઉમેરવા જઇ રહ્યા છીએ અને તે છે મહાસભાની મોબાઇલ એપ KGKOne નામથી લોકાર્પણ થઇ રહેલ આ એપ સમાજનો સામાન્યમાં સામાન્ય માણસ ખુબજ સરળતાથી ઉપયોગ કરી શકે તેવો સફળતમા પ્રયાસ મહાસભાના મંત્રી શ્રી ગૌરવભાઇ ચાવડા - રાચપુર એ કરેલ છે તે બદલ હું મહાસભાના પ્રમુખશ્રી તરીકે સસન્માન ધન્યવાદ પાઠવું છું. ડીજીટલ વસ્તીપત્રક અને મોબાઇલ એપ.ની કામગીરી માટે શ્રી ગૌરવભાઇ ચાવડાનું સ્મરણ હરહંમેશ સમાજબાંધવોને થતું રહેશે.

        મિત્રો, મહાસભાની કોઇપણ પ્રવૃત્તિ વિશેની જાણકારી, માહિતિ, માર્ગદર્શન આ એપ.ના માધ્યમથી આપ સૌને મળી રહે તેવા સંનિષ્ઠ પ્રયાસો કરવામાં આવેલા છે. વિવિધ સમિતિઓના પ્રભારીશ્રીઓ પાસેથી માહિતિ સંકલિત કરી આ એપ.માં મુકવા માટે મહાસભાના મહામંત્રી શ્રી વિનોદભાઈ કેશવજીભાઇ પઢિઆરના શ્રેષ્ઠતમ પ્રયત્નોને પણ આ પ્રસંગે અભિનંદિત કરવામાં આવે છે.

        હાલની મહાસભાની કાર્યકારિણીમાં દરેક હોદ્દેદાર પોતાને સોંપેલ કાર્ય ખંત અને પૂરી નિષ્ઠાથી કરી રહ્યા છે તેનો હંમેશા મને ગર્વ રહેશે .

        મિત્રો, મહાસભાનું ફલક પૂરા ભારતભરમાં અને વિદેશમાં વસતા આપણા સમાજબંધુઓના હૃદય સુધી વિસ્તરેલ હોવાથી વર્તમાન સંજોગોમાં દરેકે દરેક સમાજબંધુ ઘટક, યુવા મંડળ, મહિલા મંડળ કે મહાસભાની પ્રવૃત્તિઓથી વાકેફ રહે તે પ્રથમ અને પાયાની આવશ્યકતા છે અને એટંલા જ માટે સુવર્ણ જયંતિ વર્ષના આ પાવન સમયમાં આ એપનું લોંચિંગ અને 'સેતુ સમાજ સંદેશ' વધુમાં વધુ ઘરો સુધી પહોંચે તેવા પ્રયત્નો કરવામાં આવી રહ્યા છે. કારણ કે હું સ્પષ્ટપણે માનું છું કે જો સમાજબંધુ સમાજની પ્રવૃત્તિઓ અને કાર્યોથી વાકેફ હશે તો જ સંગઠનના આ પાવન યજ્ઞમાં પોતાનું યોગદાન આપવા તત્પરતા બતાવશે અને તો જ સમાજને સંગઠીતતાના સારા પરિણામો જોવા મળશે. સાથે સાથે મહાસભા અને સંલગ્ન માળખા દ્વારા આયોજીત કાર્યક્રમોમાં વધુમાં વધુ લોકો જોડાશે તો જ સામાજીક આચિતાનો ભાવ એકબીજા પ્રત્યે જાગૃત થશે. 'મારો સમાજ મારી ઓળખ... મારું અસ્તિત્વ... પહેચાન' આ બધું મને મારા વડિલોપાર્જીત વારસામાં આ સમાજ થકી મને મળેલ છે તેવો ઋણાનુભાવ દરેકે દરેક સમાજબાંધવોમાં જાગૃત થાય તો જ સંગઠનના ઉદ્દેશને નવું બળ મળશે અને આ કાર્યનું પહેલું પગથીયું છે કનેકટીવીટી - જોડાણ. જે આ એપ દ્વારા સાર્થક કરવાનો પ્રયત્ન કરવામાં આવેલ છે. દરેકે દરેક સમાજબંધુ, પછી તે ગમે તે વિસ્તારમાં રહેતા હોય પરંતુ સોશ્યલ મિડિયા માધ્યમથી જોડાયેલા રહેશે તો એકબીજાની પ્રગતિનો લાભ દરેકે દરેક સમાજબંધુને મળી રહેશે. આશા જ નહીં પરંતુ વિશ્વાસ છે કે આ એપ, સ્વર્ણિમ સમાજની રચનામાં એક-એક સમાજબંધુના જોડાણની સફળતમ ભૂમિકા અદા કરવામાં યથોચ્ચિત પુરવાર થઇ રહેશે.

જય સમાજ . . .



સ્થળ : નાગપુર (મહારાષ્ટ્ર)
તારીખ : ૨૮/૦૮/૨૦૨૧

લિ.
યોગેશ મગનભાઈ ચાવડા
(પ્રમુખ, શ્રી કચ્છ ગુર્જર ક્ષત્રિય સમાજ મહાસભા)
અંબર, વાત્સલ્ય ભૂમિ, વઠોડા, પોસ્ટ નાગપુર (મહારાષ્ટ્ર) ૩૫
Mob : 9373129642