વંશાવલીથી સમાજની ઓડખ

(૧) આપણો સમાજ એટલે કુલ 78 પ્રકારના વંશોના ગોઠીભાઈઓનો સમુહ.
(૨) ખાવું દરેક પ્રકારનું વંશ પોતાના કુળદેવી - દેવતાનું મંદિર પૃથક રૂપે ધરાવે છે. અર્થાત સમાજમાં કુલ 78 કુળદેવી - દેવતાના મંદિરો છે જે કચછના અઢારે ગામોમાં ક્યાંક ને ક્યાંક સ્થિત છે.
(૩) બારોટોના ચોપડાઓ પ્રમાણે આવી 78 પ્રકારના વંશોની દરેકની પૃથકથી એક વંશાવલી પણ દોરવામાં આવેલી છે.
(૪) આવી દરેક વંશાવલીમાં સંબંધિત પ્રકારના વંશની 15 થી 25 પેઢીઓના વંશજોના નામોની નોંધ છે, બારોટોની ગણત્રી પ્રમાણે 20 પેઢી નો કાળ એટલે 450-500 વર્ષોનો સમયગાળો થાય.
(પ) આવી દરેક વંશાવલીમાં સંબંધિત પ્રકારના વંશના "મુળ - પુરૂષના" નામની નોંધ છે જેના સંતાનોના નામ પેઢી દર પેઢી નોંધેલા છે.
(૬) એક રીતે એમ કહી શકાય છે. કે આપણા સમાજનો દરેક જ્ઞાતિજન આવા કોઈ ન કોઈ "મુળ-પુરૂષની" સંતાન/વંશજ છે.
(6) અર્થાત આવી સમસ્ત 78 વંશાવલીઓના "વંશજોનો સમુહ" એટલે આપણો "શ્રી કચ્છ ગુર્જર ક્ષત્રિય સમાજ".

આવી સમસ્ત ૭૮ વંશાવલીઓનું સંકલન , સંરક્ષણ અને ડિજીટીકરણનું કાર્ય એક મહાઅભિયાન રૂપે "ડિજીટલ વંશાવલી સમિતિ" દ્વારા હાથ ધરવામાં આવેલ છે.
સમિતિની રચના સન ૨૦૧૪માં નિમ્ન ઉદ્દેશોને અનુલક્ષીને કરવામાં આવેલ :-
૧ મહાસભાના ધોરણે સમાજના દરેક વંશના ગોઠીભાઈ-સમુહથી તાલમેલ રાખી તેમની એતિહાસિક વંશાવલીના અભિલેખોનું સંકલન કરવું, તેમનું સંરક્ષણ કરવું અને આધુનિક ઢબે તેનું ડિજીટીકરણ કરવું.
૨ "Geneology" (અર્થાત Family Tree / વંશાવલી / આંબો) નું વૈજ્ઞાનિક રીતે અધ્યયન કરવું અને લુપ્ત થતી બારોટ-પ્રથાની માહિતિઓ સંગ્રહિત કરી, જ્ઞાતિજનોમાં DNA / Genes ની વૈજ્ઞાનિક રીતે સિદ્ધ સિદ્ધાંતોની વ્યવસ્થિત જાણકારી આપવી. મુખ્યરૂપે સમાનવંશ અંતરગત લગ્ન અથવા Cousin Marriages ના દુષ પરિણામોની જાણકારી સમાજમાં આપવી. આવા લગ્નોના પરિણામે ઉત્પન્ન સંતાનોમાં જન્મજાત વિકૃતિઓ, શારિરિક-માનસિક વિકલાંગતાની સંભાવનાઓ વધી જાય છે, તે બાબત સમાજમાં જાગૃતિ લાવવી.
3 વિભિન્ન વંશોના ગોઠીભાઇઓ જેઓ સંગઠિત નથી તેને સંગઠિત કરવાના પ્રયાસો કરવા. સમાજના દરેક વંશોના કુળદેવી-મંદિર-સ્થાનકોના સુવ્યવસ્થિત સંચાલન બાબત માર્ગદર્શન આપવું.
4 એતિહાસિક ગ્રંથ "કુમાર જ્ઞાતિ પ્રકાશ" અને "ઓડખ" માં નોંધેલ પૂર્વજોના નામોને સંકલિત વંશાવલીઓ સાથે મિલાન કરવું, અને તેમના વંશજોને આપણી જ્ઞાતિના "મુળવતનીનો" દરજો અપાવવો.
5 દરેક વંશોની ઓડખને "વંશાવલી-આધારિત" બનાવવી. દરેક વંશની સંકલિત વંશાવલીમાં લગભગ ૫૦૦ વર્ષો જુના નોંધેલ "મૂળ પુરૂષ" ના નામથી સંબંધિત વંશની ઓડખ બનાવવી.
6 વંશાવલીઓના ડિજીકરણ માટે આધુનિક ઢબે અને કાયમી રીતે, દરેક વંશોની વર્તમાન અને જુની પીઢીના નામો અન્ય વિભિન્ન માહિતિઓ સાથે પ્રદર્શિત થઈ શકે તે રીતે, એક વ્યવસ્થિત Software બનાવવો, જેથી ભવિષ્યમાં નિરંતર, મહાસભા ધોરણે આવું પ્રદર્શન હમેશા થતું રહે.
7 "ડિજીટલ વંશાવલી સમિતિની" એકવૈબસાઈટ બનાવી આવી દરેક માહિતિઓને સમાજ સમક્ષ રજુ કરવી.

ડિજિટલ વંશાવલી સમિતિ

આંબા